Filipos 4:8-10

Natiptipontayo iti daytoy nga aldaw tapno rambakantayo Iti nabalitokan nga kallaysa biag da kabsat nga Mili ken Deling!

Nadanon tayo daytoy nga aldaw iti biag da kakabsat nga Mili ken Deling gapu iti kinaimbag, dungngo ken ayat ni Apo Dios iti familiada. Agyamantayo iti Dios, ket itag-ay tayo ti naimpusuan nga panagdaydayaw iti kinabuslon nga ayatna kada kabsat nga Mili ken Deling.

Kayatko nga ibingay ti maysa nga kapadasan iti biagda nga mangpaneknek iti kinaimbag iti nasantuan ng Dios kada kabsat nga Mili ken Deling.

Maysa nga rabii, mga 18 or 20 years ago, inayabandak idiay Central UMC ta bisitaec ni kabsat nga Mili idiay hospital ta nakaro kanon iti sakit. Idiay hospital kinumustac ti kasasaadna. “Matayac san Pastor” sungbatna. “Ni Apo Dios laeng ti

makadecide no alaen nakan” kunac met. Nupay kasta no isu ti mareknam nga ipasimudaagna kenca, pagsaritaen tayo nga no sisagananakan nga alaenna.

Sinaludsodko dagiti banbanag nga mangisagana ti biag sakbay nga alaen iti apo, kasla, sakit ti nakem, basol nga di pinakawan, pammakawan, etc. Ket dinamagko no addan last will and testament na, lasuratan iti panagpatawid. Kas pangarigan no adda dagayo, kasano ngay ti bingay dagiti annakyo. Taggaysa nga ectarya dagiti annakko nga babai ket dagiti nabati tawiden dagiti lallaki. Apay ngay nga tagmawsa laeng dagiti babbae? Sungbatna, agsipud ta napipintas ken nalaengda, makasawadanto ti adda dagana. Sige manong ikararagko nga saan ka pay nga mapan, ta adda pay kayat ni Apo nga pa-aramidkenca. That was 20 years ago,

Gapu iti ayat ni Apo Dios inekkan na pay ni kabsat nga Mili idi ad-adu pay nga tawen nga agserbi kencuana.

Wen nadanon tayo daytoy nga aldaw gapu ti ayat ti Dios, ngem nupay kasta

ti panagbiag da kabsat nga Mili ken Deling nakaitedmet iti dakkel nga banag tapno magun-ondan daytoy nga paset iti biagda.

Daytoy nga panagrambac ipakita na iti kinasudi iti ayan-ayat ken kinapudno ti panaginnasawa. Ti naragsac nga panaginnasawa saan nga maited kadatayo maysa nga sagut. Kasapulan nga itrabahotayo. Napateg unay ken kasapulan nga adda kadatayo ti ricado nga pangluto iti naimas nga panagbiag. Kinapudnona, dagitoy nga rikado pasam-itenna ti biag iti aniaman nga pasamak, iti gingnget man ni sakit wenno salun-at, iti patang iti kinakiran wenno kinabaknang aginga nga ayabannatayo ti Apo.

Ti kinapudnona, agsipud ta nadanonda kabsat Mili ken ni sister Deling daytoy nga kaatiddog nga panakaddua iti pannaginnasawa, isuda koma ti agtakdder ditoy nga mangibingay ken mangi-waragawag kasano iti naimbag nga dalan ken panangluto iti naragsak nga pannagin-nayan-ayat iti panaginnasawa.

Ammok nga no ibingayda ti sekretoda kadatayo saklawenda dagitoy samagmamano nga rikado ti biag.

NADEKKET NGA PANAG-GAYYEM.

Umuna unay, pagarupec nga da brod nga Mili ken ni sister Deling, aggay-

yemda sakbay nga nagbalenda nga Nag-ginayyan-ayat. Kunana iti English, “they were friends first, before they became lovers.” Daytoy ti umuna nga rikado ti biag dagiti aginnasawa. Kasla maysa nga pigket wenno cemento nga magpagmaysa kadacuada iti tiempo ti rigat ken kinabaknang. Deng-gentayo ti nasantoan a surat iti daytoy nga suhito:

“Ipakita nga kan-kanayon ti maysa nga gayyem ti panagayatna” (Prob. 17:17)

“Ti napudno nga gayyem nadekdeket pay ngem ti kakabsat” (Prob. 18:24)

Ti nadecket nga ag-gayyem nasaya-at iti panagkinnawatanda agsipud ta silulukat da nga umawat ti kapanunotan ti tungal maysa. Iti English isu daytoy ti kunada nga good communication.

No dagiti aginnasawa ket aggayyemda, mabalinda nga risuten ti aniaman nga riribukda a kas aggay-yem. Ti kinapudnona saan nga amin nga aginnasawa ket aggayyemda. Adda nakitak nga agassawa a kaslada aso ken pusa nga agkinnagat, ag-ngernger ken agkinnaramutda no adda saanda nga pagkenna-awatan. Kas kuna ti English, “they maybe lovers but not friends.”

Maysa nga kababalin iti panagrisut iti problema iti agasawa isu iti panangbigbig iti kamali tayo ken kaalisto nga dumawat iti pammakawan. Ni San Pablo kunana idiay Eph. 4:26 “Diyo urayen nga lumnek ti init nga lumamiis ti gurayo.”

Adda nabasak maipapan iti dua nga agasawa. Kamkamengda iti Iglesya. Napasnec iti panagservida kenni Apo Dios. Sannda nga maliwayan nga makikulto kada Domingo, ket no adda aramid iti simbaan masiguro nga addada nga tommul-tulong. Isuna laeng ta nupay kunada nga agin-nayan-ayata saanda nga agayyem, saanda nga agkasungoan. Kanayon nga agsin-nungbatda, uray bassit la banag, sanda nga agkasinnorotan. Isu nga maysa nga rabii, kalpasan iti devotionda, kuna daydiay asawa nga babae, “lakay nabayagen nga agkadkaduata, mgen dita met agkasinnorotan, nasayaat siguro nga ikararagta nga ayabannakan ti Dios tapno immun-unakan nga agawid idiay balay nga insaganana kadatayo amin nga namati.” Simmungbat diay asawa nga lalaki ket kunana “Napinpintas laeng baket nga mapanak idiay balay ni kabsatko.”

Iti rikado ti panagayyem saan laeng makita iti agassawa no di ket makita met iti relasionda kenni apo Dios. Iti nasantuan nga surat a kas inlatac ni Santiago 2:23, ni Abraham “gayyem ni Apo Dios.” A kas maysa nga gayyem ni Apo Dios ni Abraham napudno ken natulnog iti Apo iti amin nga panangi-dalan ti Dios kencuana. Gapu itoy isut ma-awagan a nalinteg ken gayyem ti apo.

Dakayo nga kaarrubada kabsat Mili ken sister Deling ammok nga mapaneknekanyo gayyemda unay ni Apo Dios. Saanda nga maliwayan nga makisar-arita kencuana babaen iti karkararag, ken mapan mangbisita iti apo iti aldaw nga intuladda nga panagkennita. As kas maysa nga gayyem ti apo, nabulos met ti imada kadagiti sabali pay nga gagayyem iti Dios. A kas maysa nga gagayyem ti Dios dagitoy nga agassawa saanda nga mauma nga makisarsarita ken makikinnita iti Dios sadino man nga lugar ken aniaman nga tiempo.

NAPIGKET NGA PANAGIN-NAYAT.

Wen ti ayat isut maysa nga rikado nga mangpa-imas iti pannaginnasawa. A kas aginnayat, mangted kadakuada iti regta ken rag-o iti biag nga makabael nga agsagaba wenno mangbaklay ti aniaman nga aramid, saan a kas maysa nga trabaho no di ket maysa nga gundaway nga mangipakita ti ayat, dungo ken panangipateg. Gapu ti ayatda mabalinda nga awaten ti aniaman nga kinaisu ti tumungal maysa kadacuada. A kas aginnayan-ayat naragsak ti kaada ti ay-ayatenda. Ti English kuna, “Being lovers make them enjoy each other’s presence.” Ti nasantuan nga surat ipakitana ti anag ken raman ti ayat no adda kadatayo. Ti ayat maipeksa cadagitoy a kababalin ken aramid:

Naanus Naasi Napakumbaba

saan a naimut Managitured Napudno

Saan nga naimon Managibtur Mangnamnama

Saan nga agimula iti sakit ti nakem

Saan nga napasindayag wenno natangsit

Saan nga nalaka nga agpungtot

No dagitoy nga kababalin isuda ti anag ti ayan-ayattayo masiguradok nga saan laeng nga nabalitokan nga kallaysa ti rambakan tayo, ma-abutantayo pay iti Diamante nga panangranbak iti ayan-ayattayyo.

NAGAGET NGA PANAGKADUA.

Dagiti agassawa kasapulan nga agkaduada nga mangitrabaho ken mangipanamnama iti panagbaligida iti amin nga tulagda ken tarigagay ti familiada. Masinonooc nga da kabsat nga Mili ken sister Deling ket nagkaduada manipud idi rinugianda ti familiada. Agkaduada nga nangtartaripato balayda isu nga inaramidda nga nasayaat, ken naragksak nga pagtaenggan dagiti annakda. Nagkaduada pay iti amin nga pagbiagan: ti uneg ti familia, iti simbaan, wenno idiay talon. Kunana ti English, “They were partners in their business and all their endeavors.

Daytoy nga panagkaddua timmaud manipud iti familiada, agsipud ta innalada met ti apo nga ka-partnerda ti amin nga trabaho ken amin nga pagbiaganda.

Ammok nga kinasar-saritada ti Dios maipapan cadagiti kadapulan, panag-escuela dagiti annackda, pagtrabahoan dagiti annakda, ken uray pay iti pagbangonanda ti balayda. A kas kasus-yoda iti aramidda, saanda nga liniwayan nga kinasarita ti Apo maipapan iti amin nga gundaway ken karit iti panangbiagda.

Wen da kabsat nga Miling ken sister Deling intultuloyda nga pinasinkeddan, ken pinapigsa dagitoy nga relasion iti biangda nga familia ken iti relasionda ken ni Apo Dios.

Daytoy nga panagdaydayaw isu iti panangi-tag-ay tayo iti nabuslon nga panagyamantayo iti Dios gapu iti kina-imbag na kadagitoy nga agin-nas-sawa.

Isut met ti panangbigbigtayo iti balligi da kabsat nga Mili ken Deling kadagiti amin nga parikut iti biag. Naballigida nga nagbiag iti ayat, pammati, ken nam-namma babaen iti tulong iti Dios ken babaen iti nasam-it nga inspiration dagiti annakda.

Kinapudnona daytoy nga panangrambak isut maysa nga panangiwaragawag ti mensahe iti biagda. Napudno unay nga no tuladen tayo dagiti rikado iti biagda, iluto tayo met iti panagbiagtayo ti Dios ti tumulong nga mangparagsak ken mangted balligi kadagiti amin nga tarigagaytayo iti biag.

Agrambak tay ngarud ken agyamantayo iti Apo iti kina-imbagna tapno dagitoy nga rikado iti biagda, sumodsudi kadagiti samar-saruno nga al-aldaw ken tawtawen.

Ket cadatay amin, ti nasantuan nga surat karitendatayo as kunana manen: ⁸From now on, brothers and sisters, if anything is excellent and if anything is admirable, focus your thoughts on these things: all that is true, all that is holy, all that is just, all that is pure, all that is lovely, and all that is worthy of praise. ⁹Practice these things: whatever you learned, received, heard, or saw in us. The God of peace will be with you.) “Philippians 4:8-10 (CEB)”

Amen.

(Compostela UMC 2016)